ԵՄ-Հայաստան ռազմավարական քաղաքականության երկխոսության երկրորդ հանդիպման ժամանակ քննարկվել է Դատաիրավական բարեփոխումների 2019-2023թթ. ռազմավարության նախագծի և 2019-2022թթ. Հակակոռուպցիոն ռազմավարությունը։

Հայաստանում Եվրոպական միության պատվիրակության հաղորդմամբ, արդարադատության նախարար Ռուստամ Բադասյանը վերահաստատել է ՀՀ կառավարության կուռ հանձնառությունն` իրականացնելու արդարադատության և հակակոռուպցիոն բարեփոխումներ:

Հայտարարության մեջ նշվում է, որ հաշվի առնելով ՀՀ կառավարության հավակնոտ օրակարգն՝ ուղղված արդարադատության ոլորտի համապարփակ բարեփոխմանը, ԵՄ-ն պատրաստակամություն է հայտնել աջակցելու Երևանին։

Հակտեմբերի 3-ին Կառավարության նիստում ընդունվել է Արդարադատության նախարարության ներկայացրած «Հայաստանի Հանրապետության հակակոռուպցիոն ռազմավարությունը և դրա իրականացման 2019-2022 թվականների միջոցառումների ծրագիրը հաստատելու մասին» որոշման նախագիծը, որով նախատեսվում է նվազեցնել կոռուպցիան, զարգացնել հակակոռուպցիոն ինստիտուցիոնալ համակարգը, ստեղծել կոռուպցիայի դեմ պայքարի արդյունավետ կառուցակարգեր: