ՀՀ վարչապետն առաջին անգամ պաշտոնական այցով ՌԴ կմեկնի 2020-ին
ՀՀ վարչապետ Նիկոլ Փաշինյանն առաջին անգամ պաշտոնական այցով Ռուսաստանի Դաշնություն կմեկնի 2020-ի սկզբին: Այդ մասին ռուսական «Կոմերսանտի» հետ զրույցում հայտարարել է ՀՀ վարչապետ Նիկոլ Փաշինյանը՝ հավելելով, որ այդ մասին պայմանավորվածություն է ձեռք բերվել ՌԴ նախագահի հետ Երևանում:
«Երևանում մենք Վլադիմիր Պուտինի հետ հրավերներ փոխանակեցինք: Պայմանավորվեցինք, որ սկզբից ես կայցելեմ ՌԴ պաշտոնական այցով, հետո՝ նա կայցելի»,-ասել է Փաշինյանը:
Պատասխանելով հստակ ամսաթվի բացակայության մասին հարցին՝ Փաշինյանն ասել է.«Գուցե առաջին կիսամյակում ես այցելեմ, տարվա երկրորդ կեսին Վլադիմիր Պուտինը»:
«Կոմերսանտին» տված հարցազրույցում ՀՀ վարչապետ Նիկոլ Փաշինյանը խոսել է նաև գազի սակագնի շուրջ ՌԴ հետ բանակցությունների մասին:
