Անանյան. ՊԵԿ-ը Վերին Լարսում ներկայացուցիչ կունենա
Քննարկվում է Լարսում ՀՀ պետական եկամուտների կոմիտեի ներկայացուցչի թեկնածությունը: Այս մասին Ազգային ժողովում հայտարարել է ՊԵԿ նախագահ Դավիթ Անանյանը, հաղորդում է Aysor.am-ը:
«Մինչև տարվա վերջ կունենանք մեր ներկայացուցիչը Լարսում: Արդեն թեկնածության մասին ենք խոսում, և կառավարությունում պետք է ամբողջացնենք գործընթացը», - ասել ՊԵԿ նախագահը:
Ավելի վաղ ՊԵԿ նախագահը հայտարարել էր, որ ՊԵԿ-ի և ՌԴ մաքսային ծառայության հետ համաձայնություն է ձեռք բերվել այն մասին, որ դիվանագիտական խողովակներով բոլոր խնդիրները կարգավորված են ու հայկական կողմը ներկայացուցիչ պիտի ունենա Վերին Լարսի անցակետում:
