Ադրբեջանում որոշել են արձակել խորհրդարանը՝ Միլի մեջլիսը: Սենսացիոն որոշումն ընդունվել է իշխող «Ենի Ադրբեջան» կուսակցության Քաղխորհրդի արտահերթ նիստում:
Ինչպես հայտնում է 1news.az-ն իր աղբյուրների վրա հղումով, արտահերթ նիստի մասին նախապես չէր հայտարարվել:
Իշխող կուսակցության խմբակցությունը մեծամասնություն ունի Միլի մեջլիսում:
Որոշումը բացատրվել է նրանով, որ Միլի մեջլիսի կազմը չի համապատասխանում պետության ղեկավարի վարած քաղաքականությանը, և փաստացի չի մասնակցում երկրում իրականացվող բարեփոխումներին:
Ադրբեջանի Միլի մեջլիսում 125 պատգամավոր կա, որոնք ընտրվում են 5 տարով: Գործող խորհրդարանն ընտրվել է 2015-ի նոյեմբերի 1-ին: