Ռոբերտ Քոչարյանի աջակից ներկայացած անձը ձերբակալվել է
ՀՀ երկրորդ նախագահ Ռոբերտ Քոչարյանի աջակից ներկայացող Վարուժան Մկրտչյանը ձերբակալվել է: Այս լուրը հաստատել է ՀՀ գլխավոր դատախազության հանրային կապերի բաժնի պետ Արևիկ Խաչատրյանը, հայտնում է Shantnews.am-ը։
Վերջինս տեղեկացրել է՝ Մկրտչյանի կողմից «Մարտի 1»-ի գործով տուժողներից մեկին կաշառք առաջարկելու դեպքի առթիվ հարուցված քրեական գործի նախաքննության կատարումը հանձնարարվել է ՀՀ հատուկ քննչական ծառայությանը:
Ավելի վաղ ոստիկանությունը տեսանյութ էր տարածել՝ տեղեկացնելով, որ Ռոբերտ Քոչարյանի աջակիցը Մարտի 1-ի գործով տուժողին ցուցմունքից հրաժարվելու առաջարկ է արել: Վարուժան Մկրտչյանն արձագանքել էր տարածված տեսանյութին՝ ասելով. «Տեսանյութում ես եմ, զենքն էլ՝ «սուվենիր» էր»:
