Ամանորյա ոչ աշխատանքային օրերին 14,662 մարդ է այցելել գործող թանգարաններ, ֆեյսբուքյան իր էջում հայտնել է վարչապետ Նիկոլ Փաշինյանը:
«11 հազար 916-ը տոմս են գնել, իսկ 2746 մինչև 18 տարեկան անձինք օգտվել են կառավարության սահմանած՝ անվճար մուտքի իրավունքից: Ամանորը Հայաստանում հետաքրքիր է»,- ասվում է գրառման մեջ:
Ամանորի և Սուրբ ծննդյան տոներին գործել են Երևանի և ՀՀ այլ քաղաքների թատրոններն ու մշակութային այլ հաստատությունները:
Միջոցառումների շրջանակում 2020-ի հունվարի 1-5-ը՝ ժամը 12:00-17:00-ը, մինչև 18 տարեկանների մուտքը ԿԳՄՍՆ ենթակայությամբ թանգարաններ անվճար է եղել: