Հունվարի 4-ին Գյումրիում միջադեպի հետևանքով 4 երիտասարդ է դանակահարվել: Ըստ ոստիկանության՝ երկու եղբայր, որոնցից մեկն անչափահաս է, կրծքավանդակի կտրած-ծակած վերքերով տեղափոխվել են բուժկենտրոն:
Ավելի ուշ պարզվել է, որ Լիսինյան փողոցում վիճաբանության ժամանակ տուժողներին խոհանոցային դանակով վնասել է տեղի 45-ամյա մի բնակիչ։ Նա բերման է ենթարկվել ոստիկանություն, որտեղ խոստովանել է կատարածը: Ըստ նրա` հիվանդանոց տեղափոխված եղբայրներից ավագն իր որդիներին էր դանակահարել, ինքն էլ վրեժխնդիր էր եղել:
Ավելի ուշ նույն հասցեից կտրած-ծակած վերքերով հիվանդանոց են տեղափոխվել նաև բերման ենթարկված տղամարդու որդիները:
Քրգործի նախաքննությունը շարունակվում է: