ԱԳՆ ղեկավարը Ստամբուլում ոչինչ չի ասել պատմաբանների հանձնաժողովի ստեղծման վերաբերյալ հայկական կողմի համաձայնության մասին
Հայաստանի Արտաքին գործերի նախարարությունը ժխտում է որոշ թուրքական ԶԼՄ-ների տեղեկատվությունը, որը հաղորդում է, որ Հայաստանի ԱԳՆ ղեկավար Էդվարդ Նալբանդյանը Ստամբուլում կայացած մամլո ասուլիսի ժամանակ, իբր, հայտնել է Հայոց ցեղասպանության փաստի ուսումնասիրման համար պատմաբանների հանձնաժողովի ստեղծման վերաբերյալ հայկական կողմի համաձայնության մասին: Այդ մասին PanARMENIAN.Net-ի թղթակցին է հայտնել ՀՀ ԱԳՆ մամուլի հետ կապերի գծով բաժնի պետ Տիգրան Բալայանը: Նրա խոսքերով, Է.Նալբանդյանը ընդգծել է, որ Հայաստանի դիրքորոշումը Հայոց ցեղասպանության հարցում անփոփոխ է: Տիգրան Բալայանը նաեւ հաղորդել է, որ մոտ ժամանակներում ՀՀ ԱԳՆ ինտերնետ-կայքում կտեղակայվի մամլո ասուլիսի ձայնագրությունը:
Թուրքիայի մի շարք ԶԼՄ-ներ հաղորդել են, որ Ստամբուլում Էդվարդ Նալբանդյանն, իբր, հայտնել է, որ Հայաստանը «փոխել է իր դիրքորոշումը» Հայոց ցեղասպանության հարցում, ինչպես նաեւ այն հարցում, որ «Հայոց ցեղասպանության հետախուզությունը պատմաբանների հանձնաժողովի կողմից հնարավոր է, եւ Երեւանը նորմալ է վերաբերվում Թուրքիայի առաջարկին` ստեղծել երկու երկրների բարեկամական հանձնաժողով, որը կհետախուզի Հայոց ցեղասպանությունը պատմական փաստերի հիման վրա»:
Թուրքիայի մի շարք ԶԼՄ-ներ հաղորդել են, որ Ստամբուլում Էդվարդ Նալբանդյանն, իբր, հայտնել է, որ Հայաստանը «փոխել է իր դիրքորոշումը» Հայոց ցեղասպանության հարցում, ինչպես նաեւ այն հարցում, որ «Հայոց ցեղասպանության հետախուզությունը պատմաբանների հանձնաժողովի կողմից հնարավոր է, եւ Երեւանը նորմալ է վերաբերվում Թուրքիայի առաջարկին` ստեղծել երկու երկրների բարեկամական հանձնաժողով, որը կհետախուզի Հայոց ցեղասպանությունը պատմական փաստերի հիման վրա»:
