Հունվարի 17-ին՝ ժամը 09:40-ի դրությամբ, ՀՀ տարածքում կան փակ և դժվարանցանելի ճանապարհներ: Սոթք-Քարվաճառը փակ է բեռնատարների, դժվարանցանելի՝ մյուս մեքենաների համար:
Վարդենյաց լեռնանցքը դժվարանցանելի է բոլոր տեսակի մեքենաների համար, հայտնում են ԱԻՆ-ից:
Ոսկեպար-Նոյեմբերյան ճանապարհը կցորդիչով բեռնատարների համար դժվարանցանելի է:
Փակ է Հ-31 ճանապարհի Հարթաշեն-Տաշիր հատվածը: Դժվարանցանելի են Ելփինի ոլորանները:
Սյունիքի ճանապարհներին և Մ-4 ճանապարհին (Տավուշի մարզի հատվածում) տեղ-տեղ մերկասառույց է:
Վարդենյաց լեռնանցքում, Սարավան-«Զանգեր» հատվածում և «Մեղրու սար» կոչվող հատվածում, Արագածոտնի մարզի Ապարան քաղաքում, Շիրակի մարզում ձյուն է տեղում:
Վրաստանի ՆԳՆ ԱԻ դեպարտամենտից և ՌԴ ԱԻՆ Հյուսիսային Օսիայի Ճգնաժամային կառավարման կենտրոնից ստացված տեղեկատվության համաձայն՝ Ստեփանծմինդա-Լարսը բաց է բոլոր մեքենաների համար:
Վարորդներին խորհուրդ է տրվում երթևեկել բացառապես ձմեռային անվադողերով։