Երեւանում գտնվող Եվրոպայի խորհրդի նախարարների կոմիտեի վերահսկող «Ագոյի խմբի» պատվիրակությունը այսօր հանդիպել է Հայաստանի արտգործնախարար Վարդան Օսկանյանի հետ: Զրույցի ընթացքում քննարկվել է Հայաստանի կողմից ԵԽ-ի առջեւ ստանձնած պարտավորությունների կատարման ընթացքը: Շեշտը հիմնականում դրվել է Հայաստանում մահապատժի վերացման եւ ընտրական համակարգի բարեփոխումների վրա: Քննարկվել է նաեւ երկրում սահմանադրական փոփոխությունների հետ կապված պարտավորությունների իրականացումը: ՀՀ ԱԳՆ ղեկավարը տեղեկացրել է Լեռնային Ղարաբաղի հակամարտության կարգավորման վերջին զարգացումների եւ սկսված հայ-թուրքական երկխոսության հեռանկարների մասին: