Եկատերինբուրգ-Երևան չվերթն իրականացնող «Ուրալյան ավիաուղիների» ինքնաթիռը հետ է վերադարձել շասիի անսարքության ցուցիչի ազդանշանի պատճառով: Ինքնաթիռում 65 ուղևոր կար և անձնակազմի 6 անդամ, հայտնում է ՌԻԱ Նովոստին:

Airbus А-320 ինքնաթիռն օդ է բարձրացել հունվարի 23-ին՝ ժամը 07:35-ին, բայց թռիչքից մոտ 1 ժամ անց ստիպված է եղել հետ վերադառնալ: ԻՆչպես տեղեկացնում է ՌԴ Քննչական կոմիտեի Ուրալի տարածաշրջանի տրանսպորտի քննչական վարչությունը, ստուգումներ են տանում:

«Բարձրություն հավաքելու ժամանակ գործել է շասիի անսարքության ցուցիչը, ինքնաթիռի հրամանատարը որոշել է վերադառնալ Եկատերինբուրգի օդանավակայան: Ինքնաթիռը բարեհաջող վայրէջք է կատարել: Ուղևորներն ու անձնակազմի անդամները չեն տուժել: Ինքնաթիռը չի վնասվել»,- ասվում է հաղորդագրության մեջ:

Ավելի ուշ՝ ժամը 10:35-ին, ինքնաթիռը կատարել է թռիչքը: