Քրեական ոստիկանության գլխավոր վարչության ծառայողներն ապօրինի զենք-զինամթերք պահելու կամ կրելու կասկածանքով բերման են ենթարկել նաև «Ադեկվադ» նախաձեռնության համահիմնադիրներներից Կոնստանտին Տեր-Նակալյանին, տեղեկացնում են Ոստիկանությունից:
Ավելի վաղ հայտնի դարձավ, որ բերման է ենթարկվել «Ադեկվադ» նախաձեռնության համահիմնադիր Արթուր Դանիելյանը:
Նախաձեռնության էջում ուղիղ եթերում Դանիելյանը տեղեկացրել էր, որ ձերբակալվել են Նարեկ Մալյանն ու Տեր-Նակալյանը, ուղիղ եթերի պահին բերման էր ենթարկվել նաև Դանիելյանը:
Վերջինիս բերման ենթարկման մասին այլ մանրամասներ դեռ հայտնի չեն:
Ավելի վաղ ապօրինի զենք-զինամթերք պահելու կամ կրելու կասկածանքով բերման էր ենթարկվել ՎԵՏՕ նախաձեռության հեղինակ Նարեկ Մալյանը: