Երևանի քաղաքապետ Հայկ Մարությանը մերժել է Աջափնյակ համայնքում տուֆի և բազալտի նոր հանքի շահագործման հայտը:
Այս մասին ֆեյսբուքյան իր էջում հայտնել է ինքը՝ քաղաքապետը, նշելով, որ որոշումը կայացնելիս հիմնվել է հանրային լսումների արդյունքների և քաղաքապետարանի բնապահպանության վարչության եզրակացության վրա:
«Երևանը պետք է կրկին կանաչ ու էկոլոգիապես անվտանգ միջավայր դառնա»,- հայտարարել է Մարությանը:
Երևանի տարածքում շահագործվում են մոտ 3 տասնյակ հանքեր, դրանցից մի քանիսը ոչ մետաղային հանքավայրեր են, մի մասը՝ բազալտային: