Իտալացի լրագրող եւ գրող, «Հայկական հոլոքոսթ» գրքի հեղինակ Ալբերտ Ռոսսելին արդեն տարուց ավելի է, ինչ սպանությամբ են սպառնում: Ինչպես PanARMENIAN.Net-ին հաղորդել է անկախ ֆրանսիացի լրագրող Ժան Էքիյանը, սպառնալիքներով անանուն հեռախոսազանգերն սկսվեցին 2007թ. «Հայկական խոլոքոստ» գրքի հրապարակումից մի քանի ամիս անց եւ շարունակվել են մինչեւ 2008թ. հոկտեմբերի 26-ը: Ոստիկանությունը հաստատել է, որ հեռախոսազանգերը, ինչպես նաեւ էլեկտրոնային նամակները արտասահմանից էին: Ընդ որում, սպառնալիքների հեղինակները շատ լավ տեղեկացված էին Ալբերտո Ռոսսելի եւ նրա կնոջ կյանքի մասին:

Բելգիայում բնակվող «Ինֆո-Թուրք» տեղեկատվական գործակալության հիմնադիր եւ թղթակից Դոգան Օզգուդենին Լինչի դատով են սպառնում Թուրքիայի ուլտրաազգայնական մամուլը, ինչպես նաեւ Թուրքիայի դեսպանությունն ու Բելգիայի թուրքական ԶԼՄ-ները:

Հայկական հարցի շուրջ իր դիրքորոշման պատճառով Օզգուդենը ստիպված էր լքել Թուրքիան 1971թ.: