Դերասան Մկրտիչ Արզումանյանն անդրադարձել է շրջանառվող լուրերին, թե պատրաստվում է քաղաքականությամբ զբաղվել՝ հայտարարելով, որ նման մտադրություն չունի և չի պատրաստվում որևէ պաշտոն զբաղեցնել: Այդ մասին նա գրառում է արել ֆեյսբուքյան իր էջում:
«Ցանկանում եմ անդրադառնալ վերջին օրերին շրջանառվող ապատեղեկատվությանը։ Ես չեմ պատրաստվում դառնալ Գյումրու քաղաքապետ, կամ որևէ պաշտոն ստանալու նպատակ չունեմ:
Ես անչափ շատ եմ սիրում իմ աշխատանքը և ասեմ ավելին, զբաղվելով իմ գործունեությամբ, լինելով իմ տեղում` արվեստի բնագավառում, շատ ավելին կարող եմ անել ոչ միայն իմ հարազատ քաղաքի, այլև իմ երկրի համար։
Հ.Գ. Քաղաքականության մեջ չեմ եղել, չկամ և հուսով եմ, որ մոտակա 100 տարիների ընթացքում չեմ լինի»,- ասվում է գրառման մեջ:
Ավելի վաղ Երևանի քաղաքապետ Հայկ Մարությանը Ստանիսլավսկու անվան թատրոնում դիտել է Մկրտիչ Արզումանյանի մասնակցությամբ ներկայացումը: