Բելգիական ռեստորանը, որի շեֆ-խոհարարը Կարեն Թորոսյանն է, Միշլենի աստղի է արժանացել։ Bozar Restaurant-ը գտնվում է Բրյուսելի կենտրոնում՝ Bozar արտ-կենտրոնի առաջին հարկում։

Թորոսյանն անձամբ է մասնակցել ամբողջ շենքի վերականգնմանն ու վերանորոգմանը, գրում է WBP Stars-ը։

Սա Թորոսյանի առաջին Միշլենը չէ։

Կարենը ծննուդով Հայաստանից է և Բելգիա է տեղափոխվել 18 տարեկանում։ Նա սովորել է INFOBO-ում և աշխատանքի փորձ ձեռք բերել Միշլենի աստղ ունեցող Bruneau-ում և Chalet de la Forêt-ում։ Այնուհետև նա արդեն ինքնուրույն գործ է հիմնել՝ Bozar-ը։ Մի քանի տարի անց նա արդեն լիովին ինքնուրույն էր և հայտնի դարձավ խոհարարների շրջանում։

Ըստ պարբերականի` Կարեն Թորոսյանը Բելգիայի, եթե ոչ ամբողջ Եվրոպայի ամենահայտնի շեֆ-խոհարարներից է։

2013-ի Թորոսյանի ռեստորանը լավագույնը համարվեց Gault & Millau ուղեցույցում, իսկ 2015-ին նա աշխարհի չեմպիոն է ճանաչվել Pâté en croûte մի ուտեստի համար, որը վկայում է դեպի կատարելություն նրա ձգտման մասին։