Հայաստանի ժողովրդական կուսակացությունը նպատակահարմար է համարում Սահմանադրական դատարանի շուրջ ստեղծված իրավիճակի հանգուցալուծումը հանրաքվեի միջոցով և կողմ է Ազգային ժողովի ներկայացրած սահմանադրական փոփոխության առաջարկին:
Հանրաքվեն ՀՀ-ում կկայանա ապրիլի 5-ին, փետրվարի 17-ին մեկնարկել է հանրաքվեի քարոզարշավը, որը կշարունակվի մինչև ապրիլի 3-ը։
«Միևնույն ժամանակ՝ նկատի ունենալով, որ Սահմանադրական հանրաքվեները մեր երկրում մշտապես կեղծվել են, ՀԺԿ-ն անհրաժեշտ է համարում նոր Սահմանադրության ընդունումը»,- ասվում է կուսակցության տարածած հայտարարության մեջ:
Ավելի վաղ «Հայ Հեղափոխական Դաշնակցություն» կուսակցությունը կոչ էր արել անտեսել ապրիլի 5-ի հանրաքվեն և դիմել էր քաղաքական կուսակցություններին, քաղաքացիական հասարակությանը՝ հորդորելով միավորել իրենց ջանքերը՝ բացառելու «Այո»-ն:
