Իրանում կորոնավիրոուսի հետ կապված իրավիճակի և Հայաստանում վարակի հնարավոր տարածման վտանգը հաշվի առնելով՝ ԻԻՀ-ում ՀՀ դեսպանությունը հորդորում է այդ երկրի տարածքում գտնվող հայաստանցիներին կապ հաստատել իրենց հետ և տեղեկություն տրամադրել գտնվելու վայրի վերաբերյալ:
Դեսպանությունից հաղորդում են, որ քաղաքացիները կարող են նաև նամակ ուղարկել ՀՀ դեսպանության ֆեյսբուքյան էջին և armiranembassy@mfa.am էլեկտրոնային փոստին:
Իրանում փետրվարի 21-ի տվյալներով կորոնավիրուսի 18 դեպք է գրանցվել, վարակակիրներից 4-ը մահացել են: Նշվում է, որ հիվանդները գտնվում են Իրանի Ղոմ, Արաք, Թեհրան և Գիլան քաղաքներում։