Ապրիլի 24-ին ԱՄՆ Լոս Անջելեսի հայ համայնքը դուրս կգա քայլերթի՝ նվիրված Հայոց ցեղասպանության զոհերի հիշատակին: Հազարավոր մարդիկ կանցնեն քաղաքի փողոցներով դեպի Մոնթեբելոյում տեղադրված Հայոց ցեղասպանության զոհերի հիշատակը հավերժացնող հուշակոթող, որտեղ ծաղիկներ կդնեն, տեղեկացնում է Asbarez-ը:
«Հանուն արդարության երթը կմեկնարկի առավոտյան ժամը 11-ին՝ Լոս Անջելեսի Little Armenia թաղամասից: Տասնյակ հազարավոր մարդիկ կանցնեն Հոլիվուդով, դեպի Հոլիվուդյան ճեմուղում գտնվող Հայոց ցեղասպանության հուշահամալիրի հրապարակ՝ իրենց հավատարմությունը հայտնելով հանուն արդարության և ճշմարտության մեր ժողովրդի պայքարին»,- ասվում է հրապարակման մեջ:
Ապրիլի 24-ի միջոցառումները կավարտվեն Լոս Անջելեսում Թուրքիայի հյուպատոսության մոտ բողոքի ցույցով, որտեղ հավաքվածները կպահանջեն ճանաչում և արդարություն:
Ավելի վաղ հայտնի դարձավ, որ ապրիլի 26-ին Նյու Յորքում Հայոց ցեղասպանության զոհերի ոգեկոչման ամենամյա միջոցառում կկայանա:
