Լեգենդար իտալացի ֆուտբոլիստ, ժամանակին «Յուվենտուսի» և Իտալիայի հավաքականի հարձակվող Ալեսանդրո դել Պիեռոն Երևան էր եկել ՌԴ մուտքի արտոնագիր ստանալու:
Ավելի վաղ նա Instagram-ի Stories բաժնում կարճ տեսանյութ էր հրապարակել Երևանից՝ Արարատի տեսարանով: Այն ուղեկցվում է «Բարի լույս, Երևան» գրությամբ:
Դել Պիեռոն չէր կարողացել ռուսական վիզա ստանալ Իտալիայում, քանի որ չէր կարող այցելել Միլանում և Գենուայում գտնվող Իտալիայում գործող ՌԴ 2 հյուպատոսություն:
Կորոնավիրուսի համաճարակի պատճառով երկրի հյուսիսում գտնվող այդ քաղաքներում կարանտին է, գրում էMetaRatings-ը:
Այդպիսով դել Պիեռոն դիմել է ՀՀ-ում ՌԴ դեսպանատուն: Ֆուտբոլիստն արդեն անցել է բոլոր ընթացակարգերը և ուղևորվել Մոսկվա:
Իտալիայի հյուսիսում կորոնավիրուսի բռնկման պատճառով Ա սերիայի 25 տուրի 4 հանդիպում է չեղարկվել, իսկ 26-րդ տուրի 6 հանդիպում կանցնի առանց հանդիսատեսի: Կորոնավիրուսով հիվանդների թիվն Իտալիայում գերազանցել է 400-ը: