ԱՄՆ-ն ռազմավարական նշանակության B-2 Spirit «անտեսանելի» ռմբակոծիչներ է տեղափոխել Եվրոպա՝ Պորտուգալիային պատկանող Ազորի կղզիներում գտնվող Լաժեշ ավիաբազա: Այդ մասին հայտնել է ԱՄՆ ԶՈւ Եվրոպական հրամանատարությունը:
Միջուկային զենք կրելու ունակությամբ ռմբակոծիչների քանակի և տեղակայման ժամկետի մասին ոչինչ չի ասվում, տեղեկացնում է Interfax-ը:
Եվրոպայում ինքնաթիռներն առաջադրանքներ են կատարելու տարբեր ռազմական օբյեկտներից՝ ԱՄՆ եվրոպական հրամանատարության պատասխանատվության գոտում:
Լաժեշ ավիաբազան ռազմավարական դիրք ունի մարտական գործողություններին աջակցելու համար ավիացիայի շտապ տեղափոխման տեսակետից, ինչպես նաև հրամանատարության հետ գլոբալ կապի և ՆԱՏՕ-ի համատեղ գործողությունների առումով: