Ադրբեջանում Բրիտանիայի դեսպանը հանդիպել է «ԼՂ ադրբեջանական համայնքի» ղեկավար ներկայացողին
Ադրբեջանում Մեծ Բրիտանիայի դեսպան Ջեյմս Շարփը Twitter-ում հայտնել է, որ հանդիպել է այդ երկրում, այսպես ասած, «Լեռնային Ղարաբաղի ադրբեջանական համայնքի ղեկավար», պատգամավոր Թուրալ Գյանջալիևի հետ:
Դեսպանը գրել է, որ ճանաչողական բնույթի հանդիպմանը քննարկել են ԼՂ խաղաղ կարգավորման ուղիները և «այն ներդրումը, որ կարող է ունենալ համայնքն այդ գործում»:
Ավելի վաղ՝ 2020-ի հունվարին, նույն Թուրալ Գյանջալիևի հետ էր հանդիպել Ադրբեջանում ԱՄՆ դեսպան Լի Լիտցենբերգը: Նրանք խոսել էին «իրենց տարածքներ վերադառնալու», «խախտված իրավունքների» մասին:
