Դեկտեմբերի 14-ին Հայաստան է ժամանելու ԵԱՀԿ գլխավոր քարտուղար Մարկ Պերեն դը Բրիշամբոն
Դեկտեմբերի 14-17-ը Երեւանում է գտնվելու ԵԱՀԿ գլխավոր քարտուղար Մարկ Պերեն դը Բրիշամբոյի գլխավորած պատվիրակությունը: Այցի ընթացքում նախատեսվում են ԵԱՀԿ գլխավոր քարտուղարի հանդիպումները Հայաստանի նախագահ Սերժ Սարգսյանի, Ն.Ս.Օ.Տ.Տ Ամենայն Հայոց Կաթողիկոս Գարեգին Բ-ի, վարչապետ Տիգրան Սարգսյանի, արտգործնախարար Էդվարդ Նալբանդյանի, Ազգային անվտանգության խորհրդի քարտուղար Արթուր Բաղդասարյանի, նաեւ ԱԺ քաղաքական խմբակցությունների ղեկավարների հետ:
