Մարտի վերջին Երևանում նախատեսված ArmHiTec-2020 սպառազինության և պաշտպանական տեխնոլոգիաների երրորդ միջազգային ցուցահանդեսը հետաձգվել է կորոնավիրուսի պատճառով:
ՀՀ ՊՆ տեղեկատվության և հասարակայնության հետ կապերի վարչության պետ Գևորգ Ալթունյանն ասել է, որ ցուցահանդեսը հետաձգվել է մինչև աշուն, գրում է Aysor.am-ը:
ArmHiTec-2020-ը պետք է կայանար մարտի 26-28-ը։
ՀՀ-ում մարտի 12-ի դրությամբ կորոնավիրուսով վարակի 4 դեպք կա, հիվանդներից միայն մեկն ունի գանգատներ, բուժում է ստանում: Երեք նոր վարակակիրը վերադարձել են Իտալիայից. նրանցից երկուսը ՀՀ քաղաքացի են, մեկը՝ Իտալիայի: Հայստանում կորոնավիրուսով 3 նոր վարակակրի հետ շփված 57 մարդ մեկուսացվել է: