Լոնդոնի «Արսենալի» գլխավոր մարզիչ Միկել Արտետան վարակվել է կորոնավիրուսով, ասվում է ակումբի կայքում:
Գլխավոր մարզիչն ասել է՝ ափսոսում է, որ «այդպես ստացվեց»:
Արտետան հայտնել է, որ հանձնել է կորոնավիրուսի թեստը, «երբ վատ է զգացել իրեն»: Նա հավելել է, որ աշխատանքի դուրս կգա, հենց իրեն թույլ տան:
«Թիմի անձնակազմը, որը սերտ շփում է ունեցել Միկելի հետ, կինքնամեկուսացվի՝ ըստ կառավարության հրահանգի»,- ասվում է ակումբի հայտարարության մեջ:
Կարանտինի կենթարկվեն բոլոր ֆուտբոլիստներն ու մարզչական շտաբը: Թիմը չի կարողանա մասնակցել Անգլիայի առաջնության առաջիկա խաղերին:
Մարտի 13-ի տվյալներով աշխարհում կորոնավիրուսով վարակվել է 125,000 մարդ, մահացել է ավելի քան 4600-ը: ԱՀԿ-ն պանդեմիա է հայտարարել կորոնավիրուսի տարածումը:
Ընթերցեք նաև․ Կորոնավիրուսից խուսափելու համար խորհուրդներ` ԱՀԿ-ից