Հայաստանում Beeline-ի բոլոր այն աշխատակիցները, որոնց ներկայությունը պարտադիր չէ գրասենյակում՝ ընկերության լիարժեք գործունեությունն ապահովելու համար, առաջիկայում կաշխատեն տնից, օգտվելով առցանց հնարավորություններից:
Դեռևս 2017-ի սեպտեմբերից ընկերությունում ներդրվել է Հեռավար աշխատանքային հնարավորությունը, (BeFree) և Beeline-ի այն աշխատակիցները, որոնց աշխատանքը չի պահանջում ֆիզիկական ներկայություն աշխատատեղում, հնարավորություն ունեն աշխատել տնից։
Beeline-ից նշում են, որ հաճախորդների համար բաց գլխամասային բաժինները և սպասարկման գրասենյակները պարբերաբար օդափոխվում և ախտահանվում են հատուկ մաքրող միջոցներով, տեղադրված են ձեռքերի ախտահանող միջոցներ՝ հաճախորդների և աշխատակիցների համար։ Ընկերության բոլոր աշխատակիցներին տրամադրվել են նաև կորոնավիրուսի կանխարգելման վերաբերյալ տեղեկատվական թերթիկներ:
«Beeline-ը որպես սոցիալապես պատասխանատու ընկերություն գործադրում է բոլոր ջանքերը և ձեռնարկում անհրաժեշտ միջոցներ՝ ստեղծելու անվտանգ միջավայր մեր հաճախորդների և աշխատակիցների համար», - նշում է Հայաստանում Beeline-ի գլխավոր տնօրեն Անդրեյ Պյատախինը:
Հաճախորդների համար նույնպես ստեղծված են բոլոր հնարավորությունները՝ անհրաժեշտ կարգավորումներն ու սպասարկումն առցանց ստանալու համար:
Beeline բջջային և ֆիքսված կապի կամ ինտերնետի առցանց վճարումներ կարելի է անել այստեղ կամ BeeMoney հավելվածով:
Հաշիվը և ծառայությունները ցանկացած պահին և ցանկացած վայրից հնարավոր է կառավարել My Beeline Armenia հավելվածով:
Հեռախոսներ և SIM քարտեր առցանց պատվիրել կարելի է E-shop-ի միջոցով:
Beeline-ի հաճախորդների սպասարկման ծառայությունը հասանելի է շուրջօրյա, շաբաթական 7 օր՝ 0611 բջջային և 100 ֆիքսված հեռախոսակապերից, ինչպես նաև բաժանորդները կարող են հաղորդագրություն ուղարկել Facebook սոցիալական ցանցում Beeline Armenia պաշտոնական էջին կամ կայքի օնլայն հարթակին:
Կարդացեք նաև.Կորոնավիրուսից խուսափելու համար խորհուրդներ` ԱՀԿ-ից