Դեկտեմբերի 15-ին ԼՂՀ Նախագահ Բակո Սահակյանն ընդունել է ԵԱՀԿ գործող նախագահի անձնական ներկայացուցիչ, դեսպան Անջեյ Կասպրշիկին: Ինչպես հաղորդում է ԼՂՀ նախագահի աշխատակազմի տեղեկատվության գլխավոր վարչությունը, հանդիպմանը քննարկվել են տարածաշրջանում տիրող իրավիճակի, ղարաբաղյան հակամարտության կարգավորման բանակցային գործընթացի, ինչպես նաեւ Լեռնային Ղարաբաղի եւ Ադրբեջանի զինված ուժերի շփման գծում իրականացվելիք դիտարկման հետ կապված հարցեր: