Ադրբեջանում հատուկ կարանտինային ռեժիմի շրջանակում ձեռնարկվող միջոցների խստացմամբ պայմանավորված՝ կարանտինի պահպանումը Բաքվում կհսկեն նաև Ադրբեջանի ներքին զորքերը։

Ոստիկանության հետ մեկտեղ ներքին զորքերը ծառայություն կիրականացնեն քաղաքի փողոցներում, տեղեկացնում էTuran-ը։

Ըստ դիտորդների՝ իշխանության հաջորդ քայլը կդառնա երկրի ամբողջ տարածքում արտակարգ դրություն հայտարարելը։

Ադրբեջանում կորոնավիրուսով վարակվածների թիվը հասել է 209-ի, որից 15-ն ապաքինվել են, 4 մարդ՝ մահացել։