Կորոնավիրուսային հիվանդությամբ հաստատված դեպքով ծանր վիճակում գտնվող երկու պացիենտի մոտ դիտվում է դրական դինամիկա, ֆեյսբուքյան իր էջում հայտնել է առողջապահության նախարար Արսեն Թորոսյանը։
49 և 60 տարեկան պացիենտները վերակենդանացման բաժանմունքից տեղափոխվել են բուժական բաժանմունք, որտեղ կշարունակվի նրանց հետագա բժշկական օգնության կազմակերպումը, նշել է նա։
Մարտի 30-ի առավոտվա դրությամբ ՀՀ-ում հիվանդության հաստատված 482 դեպք կա։ 30 պացիենտ առողջացել է, 3-ը՝ մահացել։