2019-ին ձեռք բերված, սակայն ՀՀ չներմուծված մեքենաների մաքսազերծման համար պետք է դիմել ՊԵԿ՝ մինչև ապրիլի 6-ի 23:59-ը, տեղեկացնում են Պետական եկամուտների կոմիտեից:
Այն քաղաքացիները, որոնք 2019-ին ձեռք են բերել տրանսպորտային միջոցներ, բայց տարբեր պատճառներով չեն հասցրել ներմուծել դրանք Հայաստան և մաքսազերծել 2019-ին գործող դրույքաչափերով, պետք է դիմեն ՊԵԿ` garik_minasyan@customs.am էլեկտրոնային հասցեով:
Նշված էլ.հասցեին պարտադիր պետք է ուղարկել հետևյալ տվյալները.
- ավտոմեքենայի ձեռքբերման փաստաթղթեր,
- ավտոմեքենայի VIN ծածկագիր (նույնականացման համար),
- ավտոմեքենայի սեփականատիրոջ անուն, ազգանուն,
- կոնտակտային հեռախոսահամար:
Խնդիրն ուսումնասիրվելու է միայն անհրաժեշտ փաստաթղթերի պատշաճ ներկայացման դեպքում: Տվյալները նշված ժամկետից հետո ներկայացնելու դեպքում գործն այլևս չի դիտարկվի:
2019-ին գործող դրույքաչափերով մաքսազերծման հնարավորությունը դիտարկվելու է միայն ձախակողմյան ղեկով ավտոմեքենաների համար: