Եվրահանձնաժողովն ավելի քան 183 մլն եվրո կհատկացնի Վրաստանին կորոնավիրուսի դեմ պայքարի համար։
Աջակցությունը կլինի Արևելյան գործընկերության երկրների (ՀՀ, Վրաստան, Ադրբեջան, Բելառուս, Մոլդովա և Ուկրաինա) համար նախատեսված օգնության շրջանակում, գրում է Civil.ge-ն։
Ապրիլի 8-ին հարևանության և ընդլայնման քաղաքականության գծով եվրահանձնակատար Օլիվեր Վարհելին հայտարարել է, որ Team Europe-ի շրջանակում իրականացվող աջակցությունը և օժանդակության ընդհանուր ծավալը կազմում է 962 մլն եվրո, որն ուղղվելու է անհետաձգելի պահանջների և սոցիալ-տնտեսական հետևանքների մեղմմանը։
Հայաստանին ԵՄ-ն կտրամադրի 92 մլն եվրո՝ անհետաձգելի և կարճաժամկետ կարիքների աջակցությանը։ Միջոցները կուղղվեն բժշկական սարքավորումների և պարագաների մատակարարմանը, բուժանձնակազմի և լաբորատոր աշխատակիցների վերապատրաստմանը։