Բելառուսական բանակում գրանցվել է կորոնավիրուսով վարակման առաջին դեպքը, հայտնել է երկրի պաշտպանության նախարարության ներկայացուցիչ Նատալյա Գավրուսիկը, փոխանցում է «Ինտերֆաքսը»։
Վարակված զինծառայողը Մինսկի գլխավոր կլինիկական հիվանդանոցում է գտնվում։
ՊՆ ներկայացուցիչը հայտնել է, որ գրանցված դեպքն առաջինն է բանակում, իսկ իրավիճակը լիովին վերահսկելի է։ Բոլոր զինծառայողները, որոնց հետ շփվել է վարակվածը, արդեն մեկուսացվել են։
Ապրիլի 16-ի դրությամբ Բելառուսում 4204 վարակված կա, 40 մարդ է մահացել։