Facebook-ի աշխատակիցները կկարողանան ամբողջ ամառ տնից աշխատել։ Այդ մասին հայտարարել է ընկերության գլխավոր տնօրեն Մարկ Ցուկերբերգը, գրում է CNBC-ն։

Ցուկերբերգը նաև հայտարարել է, որ մինչև 2021-ի հունիս ամիսը Facebook-ը չի անցկացնի 50-ից ավելի մարդու ներկայությամբ միջոցառումներ։

«Հուսով եմ, որ դա թույլ կտա զսպել կորոնավիրուսի վարակի տարածումը և մենք կկարողանանք ապահովել մեր աշխատակիցների անվտանգությունն ու առաջիկայում վերսկսել աշխատանքը», - նշել է Ցուկերբերգը:

Աշխարհում կորոնավիրուսից մահացածների թիվը գերազանցել է 150,000-ը։ Այդ են վկայում ԱՄՆ Ջոնս Հոփքինսի անվան համալսարանի տվյալները։Կորոնավիրուսի հարուցիչը հայտնաբերվել է ավելի քան 2 մլն մարդու մոտ: