Ամերիկաբնակ հայազգի մոդել Ռուբինա Խանզադյանի լուսանկարը հայտնվել է նորաձևության աշխարհի հեղինակավոր Harper's Bazaar Qatar թողարկման շապիկին։
Աշխարհում կորոնավիրուսի համավարակի պատճառով հանդեսի ամառային համարը թողարկվել է միայն թվային տարբերակով, որտեղ ներկայացվել է ոչ թե մեկ, այլ 3 շապիկ, և յուրաքանչյուրի վրա Ռուբինա Խանզադյանն է։
Լուսանկարների հեղինակն է Գրեգ Սուելսը։
«Շատ շնորհակալ եմ այս թիմին, 7-րդ երկնքում եմ երջանկությունից»,- նշել է Խանզադյանը։
Ռուբինա Խանզադյանը ծնվել է Երևանում՝ 1996-ին, այնուհետև տեղափոխվել է Բարսելոնա և ի վերջո հաստատվել ԱՄՆ-ում։ Ռուբինան սեփական բրենդն ունի՝ Rubina Dyan։