Արցախում ևս 1 քաղաքացու մոտ կորոնավիրուս է հաստատվել
Արցախում կորոնավիրուսի կասկածանքով թեստավորված ևս մեկ քաղաքացու փորձանմուշի հետազոտության արդյունքը դրական է: Այս մասին տեղեկացնում է Արցախի տեղեկատվական շտաբը՝ ԱՆ-ին հղումով։
Վերոնշյալ քաղաքացին Քարվաճառի առաջին վարակակրի շփման շրջանակից էր, ով ապրիլի 11-ից ինքնամեկուսացել էր, իսկ ապրիլի 17-ից մեկուսացվել էր Հանրապետական բժշկական կենտրոնում:
Այսպիսով Արցախում կորոնավիրուսով վարակի 8 դեպք կա, որից երեքն արդեն ապաքինվել են:
