Կորոնավիրուսի պանդեմիայի պատճառով Ռուսաստանում մայիսի 9-ին կայանալիք «Անմահ գնդի» երթը տեսաձևաչափով կանցկացվի։ Ակցիան հեռարձակման ձևաչափով կցուցադրվի Մոսկվայի ավելի քան 200 մեդիաէկրաններին, առցանց «Օկկո» կինոթատրոնում և «Ռուսաստանի անհամ գունդը» պորտալում, գրում է ՏԱՍՍ-ը՝ «Հաղթանակի կամավորները» շարժմանը հղումով։

Այժմ ստեղծվում է տյալների միասնական բազա, որից ավտոմատ կերպով կձևավորվի տեսաշարը՝ Մեծ հայրենականի մասնակիցների և ակցիայի խորհրդանիշերով, նրանց հարազատների լուսնկարներով։

Ապրիլի 28-ից մինչև մայիսի 9-ը կամավորներն ամեն օր մշակելու են տվյալները՝ սադրիչ և հայրենիքի պաշտպանների հիշատակն արատավորող դեպքերը բացառելու նպատակով։

2019-ին ՌԴ-ում «Անմահ գնդի» երթին 10 մլն մարդ է մասնակցել։ Ակցիայի նպատակն է՝ պահպանել յուրաքանչյուր ընտանիքում Հայրենական մեծ պատերազմի հերոսների հիշատակը։