Ապրիլյան պատերազմի հանգամանքներն ուսումնասիրող ԱԺ քննիչ հանձնաժողովի նիստին մայիսի 11-ին մասնակցում է նաև ՀՀ նախկին վարչապետ Կարեն Կարապետյանը։

Նա հրաժարվել է պատասխանել լրագրողների հարցերին՝ նշելով, որ դրանց կանդրադառնա նիստից հետո, փոխանցում է PARA Tv-ն։

Ավելի վաղ հանձնաժողովի նախագահ Անդրանիկ Քոչարյանը հայտարարել էր, որ հանձնաժողովն աշխատանքները կավարտի հունիսի 4-ին։

Ապրիլյանի հանձնաժողով են հրավիրվել բարձրաստիճան նախկին պաշտոնյաններ, այդ թվում՝ ՀՀ երրորդ նախագահ Սերժ Սարգսյանը, ով հանձնաժողովի նիստից հետո հայտարարել էր, որ իր որոշումը՝ մասնակցելու նիստին, արդարացված էր։ Նիստերին մասնակցել է նաև ԱՀ ոստիկանության պետ, գեներալ-լեյտենանտ Լևոն Մնացականյանը, ով 2016-ին զբաղեցնում էր Պաշտպանության բանակի հրամանատարի պաշտոնը: Վերջինս նշել էր, որ իր մասով ևս բացթողումներ եղել են։