Չինական Ուհանի իշխանությունները կարգադրել են թեստավորել քաղաքի բոլոր բնակիչներին։ Ուհանում, որը կորոնավիրուսի պանդեմիայի օջախն է համարվում, 11 մլն բնակչություն կա։
Նուկլեինաթթուների օգտագործմամբ հետազոտությունները կտևեն 10 օր, տեղեկացնում է Deutsche Welle-ն։
Մայիսի 10-ին Ուհանում կորոնավիրուսով պայմանավորված թոքաբորբի 5 նոր դեպք է գրանցվել։
Մայիսի 12-ի դրությամբ կորոնավիրուսի ակտիվ ձևի 1 դեպք և առանց ախտանիշերի 15 դեպք է գրանցվել մայրցամաքային Չինաստանում։ Երկրում կորոնավիրուսի հետ կապված մահվան դեպք չի գրանցվել։