Արցախում ստացվել են թեստավորված 31 փորձանմուշի հետազոտության արդյունքները, որոնցից 25-ը բացասական են, 6-ը՝ դրական, հայտնում են երկրի տեղեկատվական շտաբը։
Վերոնշյալ 6 քաղաքացուց 4-ը մեկուսացման մեջ գտնվող նույն ընտանիքի անդամներ են, որոնց ընտանիքի մեկ այլ անդամի մոտ կորոնավիրուսի վարակը հաստատվել էր օրեր առաջ (Նոր Բրաջուր):
Մյուս երկու քաղաքացին Շահումյանում օրեր առաջ գրանցված դեպքի շփման շրջանակից են (Քարվաճառից):
Այսպիսով, ընդհանուր առմամբ Արցախում գրանցվել է կորոնավիրուսի 20 դեպք, որից 8-ն արդեն ապաքինվել են:
Դեռևս մայիսի 7-ից, ԱՀ Պարետի որոշմամբ, Շահումյանի շրջանի տարբեր համայնքներում մտցվել էին ազատ տեղաշարժի իրավունքի սահմանափակումներ, իսկ մայիսի 12-ից սահմանափակվել է ամբողջ շրջանի տեղաշարժը::