Առողջապահության նախարար Արսեն Թորոսյանը՝ անդրադառնալով կորոնավիրուսով վարակի վիճակագրությանը Հայաստանում, ֆեյսբուքյան իր էջում գրել է, որ մահացությունը 1.3% է։
Կորոնավիրուսից մահվան 61 դեպք է գրանցվել, ևս 25 մարդ մահացել է այլ պատճառով։
Նա տեղեկացրել է նաև, որ 100-ից ավելի ծանր և ծայրահեղ ծանր դեպք կա:
Հայաստանում մայիսի 18-ի դրությամբ կորոնավիրուսով վարակի դեպքերը հասել են 4823-ի՝ նախորդ օրվա համեմատ ավելանալով ռեկորդային 351-ով: Կորոնավիրուսային հիվանդությամբ այս պահին փաստացի բուժում է ստանում 2718 պացիենտ:
Ընդհանուր առմամբ, կատարվել է 41,850 թեստավորում:
ՀՀ-ում մարտի 16-ից գործող արտակարգ դրությունը երկարացվել է մինչև հունիսի 13-ը։