ՀՀ-ում կորոնավիրուսով վարակվածներից 418-ի վիճակը ծանր է, 81-ինը՝ ծայրահեղ ծանր, երկրում վիրուսից քրոնիկական հիվանդություններ ունեցած 33-ամյա քաղաքացի է մահացել, հայտարարել է առողջապահության նախարար Արսեն Թորոսյանը։

Նա նշել է՝ ոչ ոք ապահովագրված չէ վարակից և անհրաժեշտ է մտածելակերպը հարմարեցնել իրավիճակին։ Թորոսյանը նշել է վարքագծային փոփոխությունների անհրաժեշտության և հակահամաճարակային կանոններին հետևելու անհրաժեշտության մասին։

Նախարարը հիշեցրել է, որ պատշաճ բուժօգնության ռեսուրսները սահամնափակ են և փաստացի բոլորը կարող են վարակի թիրախ դառնալ ու բուժօգնության կարիք ունենալ։

Թորոսյանը կոչ է արել խստորեն պահպանել դիմակի կրման, սոցհեռավորության և ձեռքերը պարբերաբար լվանալու կանոնները։

Հունիսի 4-ի դրությամբ ՀՀ-ում կորոնավիրուսով վարակվածների թիվն ավելացել է ռեկորդային՝ 697 դեպքով, վարակակիրների ընդհանուր թիվը 11,221 է։ Կորոնավիրուսից մահվան դեպքերի թիվն ընդհանուր առմամաբ 176 է, այլ պատճառով՝ 68։ Առողջացածների ընդհանուր թիվը 3468 է։