Լոռու մարզում հունիսի 10-ի դրությամբ գրանցվել է կորոնավիրուսով վարակված 302 քաղաքացի, 72 մարդ բուժվել է, 4 մահ է եղել։ Այդ մասին լրագրողների հետ զրույցում ասել է մարզպետ Անդրեյ Ղուկասյանը:
Նրա խոսքով՝ «Գլորիա» կարի ֆաբրիկայի բոլոր աշխատակիցները համարվում են կոնտակտավորներ և ինքնամեկուսացման մեջ են, գրում է Aysor.am-ը։
«Թեստավորվել է 300 աշխատակից», - հավելել է մարզպետը:
Ավելի վաղ հայտնի դարձավ, որ Վանաձորի «Գլորիա» կարի արտադրամասի 115 աշխատակցի մոտ կորոնավիրուս է հաստատվել։ Մարզում կորոնավիրուսի հաստատված դեպքերին զուգահեռ ընդլայնվել է նաև աշխարհագրությունը: Շարունակվում են դեպքեր գրանցվել նաև այն համայնքներում, որտեղ մինչև օրս վարակակիրներ չկային: