Կորոնավիրուսից մահացել է ԵՊՀ պրոֆեսոր Սեմյոն Նիգիյանը։ ՀՀ փոխվարչապետ, պարետ Տիգրան Ավինյանը ցավակցություն է հայտնել նրա ընտանիքին ու հարազատներին:
«Մեծ ցավով ու ափսոսանքով տեղեկացա համալսարանական տարիների իմ լավագույն դասախոսներից մեկի` պրոֆեսոր Սեմյոն Նիգիյանի մահվան մասին, որը վրա է հասել կորոնավիրուսային հիվանդության արդյունքում: Պարոն Նիգիյանը մեր ժամանակների լավագույն մասնագետներից էր, ինչպես նաև շատ յուրահատուկ անձնավորություն։
Խորապես ցավակցում եմ պրոֆեսոր Նիգիյանի ընտանիքին ու հարազատներին: Հանգչեք խաղաղությամբ»,-ասվում է գրառման մեջ։
Համաճարակային իրավիճակով պայմանավորված` հոգեհանգստի և հուղարկավորության արարողակարգին ներկա կլինեն միայն ընտանիքի անդամները։
Սեմյոն Նիգիյանը ԵՊՀ Ինֆորմատիկայի և կիրառական մաթեմատիկայի ֆակուլտետի Ծրագրավորման և ինֆորմացիոն տեխնոլոգիաների ամբիոնի վարիչն էր։ Նիգիյանը ֆիզմաթ գիտությունների դոկտոր էր։ Նա գիտական հետաքրքրւթյունների շրջանակն ընգրկում էր ծրագրավորման լեզուներ և համակարգեր, Ֆունկցիոնալ ծրագրավորում և լյամբդա-հաշիվ, Տրամաբանական ծրագրավորում, Հաշվարկման մաթեմատիկական մոդելներ։
