Ուկրաինայի նախագահ Վլադիմիր Զելենսկու կինը՝ Ելենա Զելենսկայան, հոսպիտալացվել է երկկողմանի թոքաբորբով։ Այդ մասին հայտարարել է Ուկրաինայի նախագահի գրասենյակը, գրում է BBC-ն։
Նա տեղափոխվել է Կիևի հիվանդանոցներից մեկը։
Նախորդ շաբաթ Ուկրաինայի առաջին տիկնոջ մոտ կորոնավիրուսի ՊՇՌ թեստը դրական արդյունք էր ցույց տվել, սակայն հիվանդությունն անախտանիշ էր անցնում։
Զելենսկին և երեխաները չեն վարակվել՝ կրկնակի թեստերը ևս բացասական են եղել։
Կնոջ հիվանդության պատճառով Զելենսկին անցել է աշխատանքային սահմանափակ ռեժիմի՝ նա անցել է առցանց շփումների։