Արցախի Մարտակերտի շրջանի Չափար և Գետավան համայնքներում հունիսի 19-ից՝ ժամը 12:00-ից, կիրառվելու են մուտքի և ելքի ժամանակավոր սահմանափակումներ:
Համապատասխան որոշումը ստորագրել է պարետ, պետական նախարար Գրիգորի Մարտիրոսյանը:
Ավելի վաղ հայտնի դարձավ, որ վարակի 3 նոր դեպք է գրանցվել: Վարակի բռնկման օջախ է հայտնաբերվել Մարտակերտի շրջանում: Շրջանի համայնքներից մեկում 2 նոր դեպք է հաստատվել:
Արցախում կորոնավիրուսի հաստատված դեպքերը հասել են 94-ի, որից 56-ն արդեն ապաքինվել են, թեստավորումների քանակը 1520 է, հայտնում է Տեղեկատվական շտաբը։
Մահվան ելքով դեպքեր չկան։ Մեկուսացված է 94 մարդ։