ՊՆ մամուլի քարտուղար Շուշան Ստեփանյանը ֆեյսբուքյան իր էջում կիսվել է մի տեսանյութով, որտեղ երևում է Հայրենական Մեծ պատերազմի 75-րդ տարեդարձին նվիրված միջոցառմանը Հայաստանը ներկայացնող զորախմբի փորձը։
«Մոսկվա, տղերքը պատրաստվում են շքերթին»,- գրել է Ստեփանյանը։
Հունիսի 19-ին Փաշինյանը նամակ էր հղել ՌԴ նախագահ Վլադիմիր Պուտինին` նշելով, որ չի մասնակցի Մոսկվայում կայանալի տոնական միջոցառումներին համավարակի պատճառով։
Ավելի ուշ Փաշինյանի մամուլի խոսնակ Մանե Գևորգյանը հայտնել էր, որ միջոցառումներին Հայաստանը ներկայացնելու է 75 հոգուց բաղկացած զորախումբ` պաշտպանության նախարար Դավիթ Տոնոյանի գլխավորությամբ: Զորահանդեսը տեղի կունենա հունիսի 24-ին: