Մեքսիկայում ծնված եռյակի մոտ կորոնավիրուս է հայտնաբերվել, տեղի բժիշկներն աննախադեպ են անվանել այս իրավիճակը։
Երեխաները՝ 2 տղա և 1 աղջիկ, ծնվել են հունիսի 17-ին կեսարյան հատումով Մեքսիկայի կենտրոնական հատվածի Սան Լուիս Պոտոսի նահանգի հիվանդանոցներից մեկում, գրում է ՌԻԱ Նովոստին։
Ըստ կանոնակարգի՝ երեխաներին Covid-19-ի թեստ են անցկացրել, որոնք դրական պատասխան են տվել։
Ըստ ամերիկյան Ջոնս Հոփքինսի համալսարանի՝ աշխարհում կորոնավիրուսով վարակի դեպքերը գերազանցել են 9․2 մլն-ն, որից մահացել է 477,000-ը։