ՀՀ-ում կորոնավիրուսով վարակի ռեկորդային՝ 771 նոր դեպք է գրանցվել, կատարվել է 2336 հետազոտություն: Այդ մասին կառավարության նիստում հայտարարել է առողջապահության նախարար Արսեն Թորոսյանը։
Նա տեղեկացրել է նաև, որ ծանր վիճակում 502 հիվանդ կա, ծայրահեղ ծանր է 113 պացիենտ։ Թոքերի արհեստական օդափոխության սարքերին միացված է 40 անձ։
Նախարարը նշել է նաև, որ հոսպիտալացման առումով վիճակը բավականին բարվոք է՝ 51 հիվանդ կա, որոնք դրա կարիքն ունեն։ Նա հավելել է, որ բոլոր վերակենդանացման բաժանմունքերում մի քանի տեղ կա, որոնք արագ լրանում են։