Թեհրանում պայթել է գազի պահեստավորման համար նախատեսված արդյունաբերական պահեստարանը Փարչինի ռազմական համալիրի գոտում։ Այն հասանելի էր նաև ոչ ռազմական մասնագետների համար։
Պայթյունի հետևանքով տուժածներ չկան։ Այդ մասին հայտարարել է պաշտպանության նախարարության ներկայացուցիչ Դավուդ Աբդին, գրում է Deutsche Welle-ն։
Թեհրանի երկինքը մի քանի վայրկյանով լուսավորվել է կարմիր բռնկումից, որից հետո այդ վայրում թանձր ծուխ է բարձրացել։
Ըստ Աբդիի՝ հրդեհը հաջողվել է արագ մեկուսացնել։ Պայթյունի պատճառների մասին պաշտպանական գերատեսչության ներկայացուցիչը ոչինչ չի ասել։
Reuters-ը, իր հերթին, արևմտյան երկրների հատուկ ծառայություններին հղումով ենթադրել էր, որ Իրանում կարող էին միջուկային զենքի հետ կապված փորձարկումներ անցկացվել։ Թեհրանն այդ պնդումները չի մեկնաբանում։