Հայտնի ռեփեր Քայնե Ուեսթի ընկերությունը՝ Yeezy-ն, ԱՄՆ-ում պանդեմիայի օրերին փոքր բիզնեսի աջակցման ծրագրով $2-5 մլն վարկ է ստացել։ Այս մասին գրում է Hollywood Reporter-ը։
Ընկերությունը տեղեկացրել է, որ աջակցության ծրագրի շնորհիվ պահպանել է 106 աշխատատեղ։ Աջակցության ծրագիրն ուղղված է հենց փոքր բիզնեսներում աշխատատեղերի պահպանմանը։
Վարկերը ներվում են, եթե բիզնեսները գումարը ծախսում են թույլատրելի ուղղություններով, բայց ներված գումարի չափը կախված է աշխատողների հաստիքների չափերի և աշխատավարձերի կրճատումից։
Yeezy-ն մասնագիտացված է մարզակոշիկների և սպորտային կոշիկների արտադրության մեջ։ Համագործակցում է Adidas ընկերության հետ։